- Joined
- Jan 10, 2023
- Messages
- 57
- Thread Author
- #1
அவள் தடுமாறி.. திணறி துவண்டு போனதெல்லாம் ஒரு சில நிமிடங்கள் தான்.. அடுத்த கணமே பெண் வேங்கையாய் சிலிர்த்தெழுந்தாள்.. கண்களில் நிமிர்வு.. தைரியம்.. ஆங்காரம்.. கோபம் என அனைத்து உணர்வுகளையும் ஒன்று சேர்த்து..
"யார் மேல கைய வைக்கிற பொறுக்கி நாயே.." என்று அவன் கன்னத்தில் விட்டாளே ஒரு அறை.. காலை தூக்கி அவன் கால் இடுக்கில் ஒரு உதை.. "அம்மாஆஆ.." என்ற அலறலோடு கவுன்சிலரின் கண்கள் நிலை குத்தியது.. வாங்கிய உதையில் இனி ஜென்மத்துக்கும் அவனால் பெண்கள் பக்கம் போகவே முடியாது..
பலம் உடல் சம்பந்தப்பட்டது அல்ல மனம் சம்பந்தப்பட்டது என்பதை அந்த ஒரு நொடியில் நிரூபித்திருந்தாள் ரதி..
அடிவாங்கியவன் ஆணுறுப்பை பற்றி கொண்டு கீழே விழுந்திருந்த நேரத்தில் சுதாரித்துக் கொண்டு கதவை திறந்து வெளியே வந்திருந்தாள் ரதி.. ஒரு கல் மீது அமர்ந்திருந்த அம்சவேணியின் மீது அவள் கோப பார்வை நெருப்பாய் விழுந்தது..
"என்னடி ஆச்சு.." என்று ஓடிவந்து உள்ளே பார்த்தவள் அந்த கவுன்சிலர் ரங்கமணி துடித்துக் கொண்டிருப்பதை கண்டு..
"ஐயோ.. அடிப்பாவி என்னடி பண்ணி தொலச்ச.. உன் நல்லதுக்காக தானே இதையெல்லாம் செஞ்சேன்.. உன் புருஷன் உன்னை படாத பாடு படுத்துறானே.. அவன்கிட்ட இருந்து உன்னை காப்பாத்தி நிரந்தரமா ஒரு வருமானத்துக்கு ஏற்பாடு பண்ணலாம்னு பார்த்தேன்.. அதுக்குள்ள இப்படி பண்ணி தொலைச்சிட்டியேடி பாவி.. கடவுளே இப்ப நான் என்ன பண்ணுவேன்.. கவுன்சிலர் ஆளுங்க வந்து எனக்கு கொன்னு போட்டுடுவானுங்களே..!!" அம்சா நெஞ்சில் அடித்துக் கொண்டு அழ.. அவள் கன்னத்திலும் ஒரு ஆவேசமான அறை விழுந்தது..
"அம்மாஆஆ" என்று அலறலோடு நிலைகுலைந்து போனாள் அம்சா.. மகள் கையால் அடிவாங்குவோம் என்று எதிர்பார்க்கவில்லையே அவள்..!!
"என்னடி பெத்த தாயவே.." அவள் சீறுவதற்குள்..
"அடச்சி வாய மூடு.. நீ எல்லாம் தாயின்னு சொல்லி அந்த உன்னதமான வார்த்தையை அவமானப்படுத்தாதே.. பெத்த மகளை விபச்சாரத்தில் ஈடுபடுத்தி காசு பார்க்க நினைக்கிற நீயெல்லாம் மனித ஜென்மத்திலேயே சேர்த்திக்க இல்லை.. உன்னையெல்லாம் கொன்னு போடணும்.. ஆனா உன்மேல கை வைக்கிறதையே அசிங்கமா நினைக்கிறேன்.. என் புருஷன் ஏன் உன்னை கிட்ட நெருங்க விடலைன்னு இப்ப புரியுது.. ஒழுக்கத்துல தறிகெட்டு திரியற கேவலமான தாயா இருந்தாலும் பிள்ளைங்க கிட்ட மனிதாபிமானத்துடன் நடந்துப்பேனு நினைச்சேன்.."
"இப்ப என்னடி தப்பு செஞ்சிட்டேன் ஊர் உலகத்துல நடக்காததையா..?"
"ஏய் பேசாதடி கொன்னுடுவேன்.." உறுமலில் உறைந்தாள் அம்சா..
"என்னை பெத்து வளர்த்த பாவத்துக்காக உன் மேல கொஞ்சூண்டு அக்கறை இருந்தது.. இனி நீ செத்தாலும் எனக்கு கவலை இல்லை.. நீ எங்களுக்காக வாழறேன்னு சொன்னியே அதெல்லாம் பொய்.. நீ உனக்காக மட்டும் தான் வாழற.. நல்ல வேளை என் தம்பி தங்கையை உன்கிட்ட இருந்து காப்பாத்தி வெளியூருக்கு அனுப்பிட்டேன்.. இல்லன்னா அவங்களையும் இந்த கேடுகெட்ட தொழில்ல ஈடுபடுத்தி சுயநலமா லாபம் பார்த்திருப்பே.."
"அடியே ராதிகா நான் சொல்றதை கொஞ்சம் கேளுடி.."
மீண்டும் ஒரு அறை விழுந்தது.. விதிர்த்துப் போனாள் அம்சா..
"இனி நீ என்ன வேணா செஞ்சுக்கோ ஆனா என் மூஞ்சில முழிக்காதே..!!"
"ஏய் நான் உன் அம்மாடி.."
"மழையிலும் வெயிலிலும் பாடுபட்டு குழந்தைகளை காப்பாத்தற தாய்மார்கள் மத்தியில இப்படியும் ஒரு பேய்.. நீயெல்லாம் ஒரு பொம்பள.. த்தூ.." அவள் முகத்தில் காரி உமிழ்ந்து விட்டு அங்கிருந்து வேகமாக சென்றிருந்தாள் ரதி..
மகள் கைவிட்டதிலும் உள்ளே கவுன்சிலர் குத்துயிராக கிடந்ததிலும் அடி வயிறு கலங்கி வெடவெடத்து நின்றிருந்தாள் அம்சவேணி..
தட்டு தடுமாறி எழுந்து வந்தான் அந்த கவுன்சிலர் ரங்கமணி..
"ஆத்தாளும் மவளுமா கூப்பிட்டு வச்சு என்னை அவமானப்படுத்திட்டீங்க இல்ல.. உங்க ரெண்டு பேரையும் சும்மா விடமாட்டேன்டி.. நான் யாருன்னு உங்களுக்கு காட்டறேன்.." நாக்கை கடித்து கண்கள் சிவந்து கர்ஜித்தவன் அங்கிருந்து தள்ளாடி நடந்து சென்றிருந்தான்..
அம்சவேனிக்கு நெஞ்சுவலியே வந்துவிட்டது..
எத்தனை நாள் விடாமுயற்சியின் பலன் இது..
ஐராவதனுக்கு திருமணம் செய்து கொடுத்த பிறகு தானே இந்த கவுன்சிலர் ரங்கமணி வந்து நின்றான்..
"என்ன அம்சா அவசரப்பட்டுட்டியே..? பணக்கஷ்டம்னு என்கிட்ட ஒரு வார்த்தை சொல்லியிருக்க கூடாதா.. உனக்கு நான் உதவி செய்திருக்க மாட்டேனா.. அடையாறு தோப்பு பங்களா சும்மாதான் இருக்குது.. அதை உன் பொண்ணு பேர்ல எழுதி வெச்சு அவளை பத்திரமா பாத்துக்க மாட்டேனா.." ரங்கமணி வீட்டுக்குள் வந்து கால்மேல் கால்போட்டு அமர்ந்து பேரம் பேச அம்சவேணியின் கண்கள் ஆசையில் விரிந்தன..
"இப்ப என்ன செய்ய முடியும் கவுன்சிலரே.. எல்லாம் முடிஞ்சு போச்சு.." அம்சவேணி பெருமூச்சு விட்டாள்..
"என்ன முடிஞ்சு போச்சு.. எதுவும் முடியல.. உன் மகள் மேல கொள்ளை ஆசை எனக்கு.. அந்த ஐராவதன் முந்திக்கிட்டான். நீயும் அவசரப்பட்டுட்ட.. கல்யாணம்தான் வாழ்க்கையா.. என்னால பகிரங்கமா தாலி கட்டி குடும்பம் நடத்த முடியாது.. ஆனா வசதியா வாழ வைக்க முடியும்.. உன் குடும்பத்தை சீரும் சிறப்புமா நான் பார்த்திருக்க மாட்டேனா.. உன் பிள்ளைகளை நான் படிக்க வைச்சிருக்க மாட்டேன்னா..?"
"இப்ப என்ன செய்யலாம்ங்கறீங்க தலைவரே..?"
"உன் பொண்ணு மனச கலைச்சு விடு.. அந்த ஐராவதன அவளுக்கு எதிரா திருப்பி விடு.. அவளை உன் கட்டுப்பாட்டுக்குள்ள வச்சுக்கோ.. மிச்சத்தை நான் பாத்துக்கறேன்.."
"ஐயய்யோ எனக்கு பயமா இருக்கு.. அந்த ரவுடி பைய என்னை கொன்னே போட்டுடுவான்.. கல்யாணம் பண்ணிக்கும்போதே.. ரதி பக்கம் தலை வைச்சு படுக்கக் கூடாதுன்னு கண்ண உருட்டி மிரட்டினதை என்னால மறக்கவே முடியாது.."
"நீ என்ன செய்வியோ ஏது செய்வியோ எனக்கு தெரியாது அம்சா.. ரதி எனக்கு வேணும்.. அவ அழகு என் கண்ணு முன்னாடி நிக்குது.. அவளை அடையனும்னு என் நாடி நரம்பெல்லாம் துடிக்குது.. ஏதாவது பண்ணு.. உன் மகளுக்காக என் சொத்துல பாதிய கூட தாரவாக்க தயாரா இருக்கேன்.. அருமையான எதிர்காலம் உங்களை தேடி வருது.. கெட்டியாக புடிச்சிக்கறது உன்னோட பொறுப்பு.. அம்புட்டு தான் சொல்லுவேன்.." என்று அவள் மனதை மொத்தமாக கலைத்து விட்டு எழுந்து சென்றிருந்தான்..
அம்சவேணிக்கு ஐராவின் இரண்டு லட்சம் ரூபாயை விட லட்சக்கணக்கில் சொத்து எழுதி வைக்கிறேன் என்று சொன்ன கவுன்சிலர் ரங்க மணி இப்போது பெரும்புள்ளியாக தெரிந்தான்..
மகளிடம் வெளிப்படையாக இதைப் பற்றி பேசி அவள் மனதை மாற்ற முடியாது.. ஒழுக்கம் கண்ணியம் கட்டுப்பாடு.. என்பாள்.. மயிர் நீத்தால் உயிர் வாழ கவரிமான் ஜாதி அவள்..
அவள் இரக்கத்தை சம்பாதிக்க வேண்டும்.. பரிதாப பட வைத்து காரியத்தை சாதிக்க வேண்டும் என்று திட்டம் போட்டு.. சோறு தண்ணியில்லாமல் உடம்பை வருத்தி நோயுற்றவளாக நடித்து முதலில் பக்கத்து வீட்டுப் பெண் செல்வியை ஏமாற்றி.. அவள் வாயாலேயே அம்சவேணி பாவம் என்று சொல்ல வைத்து ரதியே இந்த திட்டத்திற்குள் இழுத்திருந்தாள்..
பக்கத்து வீட்டு பெண்மணி கூட இவள் கை தேர்ந்த நடிப்பில் ஏமாந்து போகும்போது பாவம் ரதி எம்மாத்திரம்..
ஐரா ரதியை கைநீட்டி அடித்து விட்டான் என்ற செய்தி அம்சாவின் காதுகளை எட்டியவுடன்.. அவள் மூளை வேகமாக அடுத்த திட்டத்தை தீட்டியது..
ரதி மனம் கலங்கி நிற்கும் இந்த நேரத்தை தனக்கு சாதகமாக பயன்படுத்திக்கொண்டால்.. அவள் மனம் வெறுத்து போயிருக்கும் இந்த சமயத்தில் கண்டதையும் சொல்லி ஐராவிடமிருந்து அவளை பிரித்து தனக்கு வேண்டியதை நிகழ்த்திக் கொண்டால் என்ன..?
அந்த கவுன்சிலரை வரவழைத்து பலவந்தமாகவோ அல்லது ஆசை காட்டியோ அறிவுரை சொல்லியோ எப்படியாவது.. காரியத்தை நடத்தி விட்டால் பிறகு ரதி முழுக்க என் வசம்.. அந்த கவுன்சலரின் கையில் ஒப்படைத்து பெருத்த லாபம் பார்க்கலாம்.. போன்ற திட்டங்கள் அனைத்தும் இப்போது தோல்வியை தழுவியிருந்தது.. அனைத்துமே கேவலம் பணத்திற்காக..!!
நடந்த சம்பவத்தால் மனம் உடைந்து அழுது கொண்டே வீட்டுக்கு ஓடி வந்திருந்தாள் ரதி..
வாசலில் அமர்ந்து திண்ணையில் கொட்டிக்கிடந்த பெரிய வெங்காயத்தையும் சின்ன வெங்காயத்தையும் தனித்தனியே பிரித்து முறத்தில் அள்ளி போட்டுக் கொண்டிருந்த சங்கரேஸ்வரி படபடப்போடு அவளை பார்த்தாள்..
"என்னாச்சு இவளுக்கு..?" என்று அலைப்புறுதலோடு குழம்பியவள்.. "அடியே பத்மாவதி.." என்று எதிர்வீட்டு மாடிப்படியில் அமர்ந்து அரிசி புடைத்துக் கொண்டிருந்தவளை அழைத்து.. "இதை கொஞ்சம் பாத்துக்க..!!" என்று விட்டு உள்ளே சென்றாள்..
கட்டிலில் அமர்ந்து முகத்தை மூடிக்கொண்டு ரதி அழுது கொண்டிருந்தாள்.. சங்கரேஸ்வரியின் மனது படபடத்தாலும் பெரிதாக எதையும் காட்டிக்கொள்ளவில்லை.. வழக்கம்போல அவள் வாய் காட்டமான சொற்களை மட்டுமே வீசியது..
"அடியே இப்ப என்ன நடந்துச்சுன்னு.. இப்படி உட்கார்ந்து ஒப்பாரி வைக்கற.. ஏற்கனவே உன் ஆத்தாக்காரி நானும் என் புள்ளையும் உன்னை கொடுமைப்படுத்துறதா ஊர் முழுக்க புரளிய கிளப்பி விட்டுருக்கா.. இதுல நீ வேற போதா குறைக்கு தெரு முழுக்க அழுதுகிட்டே ஓடிவந்தியா.. என்னதான் நடந்துச்சு எதுக்காக இப்படி அழுது தொலைக்கற.." ஏற்கனவே அழுது கொண்டிருந்த ரதிக்கு இந்த வார்த்தைகள் எரிச்சலை கிளப்பியது ..
"ஒன்னும் இல்ல.. இங்கருந்து போங்க.." அவள் கத்திய சத்தத்தில் சங்கரேஸ்வரி விதிர்த்துப் போனாள்..
"இப்ப நான் என்ன பேசிட்டேன்னு இவ இந்த கத்து கத்துறா.. எக்கேடும் கெட்டு போகட்டும்.. எனக்கென்ன.. ஏதோ அழறாளேன்னு அக்கறையா வந்து கேட்டா ஓவரா துள்ளுறா.. பெரியவ ன்னு ஒரு மரியாதை இல்ல..? அது சரி நான் பெத்தது மரியாதை கொடுத்தா தானே இவ மதிச்சு பேசுவா.. இந்த வீட்ல எல்லாருக்கும் என்னை கண்டா இளக்காரந்தான்.." புலம்பிக்கொண்டே அங்கிருந்து சென்றிருந்தாள்..
யாரிடமாவது இதைப் பற்றி சொல்லி ஆறுதல் தேடிக்கொள்ள மனம் தவித்தது.. ஆனால் யாரிடம் இதைப் பற்றி பேச முடியும்..
ஏற்கனவே தன்மீது கோபத்திலிருக்கும் கணவனிடம் இதைப் பற்றி பேச முடியுமா.. உற்றவனும் என்னை நம்புவதில்லையே..?
"நீ ஏன் மறுபடி அந்த வீட்டிற்கு போனாய்? என்று கேட்டால் என்ன சொல்லுவது.. நாயை குளிப்பாட்டி நடு வீட்டுல வச்சாலும்.. என்று கேவலமாக பேசியவரிடம் என்ன ஆறுதல் தேடிக் கொள்ள முடியும்..
என்றாவது ஒருநாள்.. பண தேவைக்காக அந்த கவுன்சிலரை உன் தாய் வரச்சொன்னாளா.. நீ வர சொன்னாயா என்று கேட்டு விட்டால்?
ஒரு வார்த்தை வெல்லும்.. ஒரு வார்த்தை கொல்லும்..
நாக்கு தடித்து தரம் புரண்டு என்னை தரக்குறைவாக பேசுவதற்கு நானே வழிவகை செய்து கொள்ள வேண்டுமா..
தாயைப் போல் பிள்ளை நூலைப் போல் சேலை என்று எள்ளி நகையாடிய மாமியாரிடம் நடந்ததைச் சொன்னால்.. மென்மேலும் என்னை குற்றம் சாட்ட கூடுதலாக நாலு வார்த்தைகள் கிடைக்கும்.. பெரிதாக வேறென்ன நிகழ்ந்து விடப்போகிறது..
இருக்கிற பிரச்சினையும் சஞ்சலங்களும் மனக்கஷ்டமும் போதாதா.. ஐயோ கடவுளே.. அடிவயிற்றிலிருந்து துக்கம் பீறிட.. முடிந்த மட்டும் அழுது தன் பாரத்தை கண்ணீரால் தீர்த்துக் கொள்ள முயன்றாள்.. ரதி.. கண்ணீர் வற்றி துயரம் பெருகியது..
ஐரா வந்த சமயத்தில் அவள் தன்னை தேற்றிக்கொண்டு ஓரளவுக்கு இயல்பாகி இருந்தாள்..
முன்பை போல கட்டி அணைத்து ஒட்டி உறவாடும் கணவனாக இருந்திருந்தால் அவள் முகம் சிறுத்திருப்பது ஐராவதனுக்கு தெரிந்திருக்கும்.. ரதியின் மன சஞ்சலங்களை கண்களில் கண்டு காரியத்தில் இறங்கியிருப்பான்..
விரிசலும் இடைவெளியும் இருவரையும் பிரித்திருக்க அவள் மாற்றங்களை உணராது போயிருந்தது யார் பிழையோ..?
அவனுக்கு தெரியாமல் இருப்பதே நல்லது என்ற ரீதியில் யோசிக்கிறாள் ரதி..
எப்படியோ அந்த கவுன்சிலரிடமிருந்து தப்பித்து வந்தது தெய்வாதீன செயல் என்றுதான் நினைத்தாள்.. ஆனால் பிரச்சனைகள் அத்தோடு முடிவடையவில்லை..
அடுத்த சில நாட்களில் அம்ச வேணி கல்லூரியில் வந்து நின்றிருந்தாள்..
"ஏம்மா உன்னோட அம்மா வந்திருக்காம்.." பியூன் வந்து சொல்லிவிட்டு செல்ல.. அகண்ட விழிகளில் அதிர்ச்சியை தாங்கி வெளியே ஓடி வந்தாள் ரதி..
"அடியேய் ரதி.. என்னை ஒதுக்கிடாதடி எல்லாம் உன் நல்லதுக்காகதான் செஞ்சேன்.. உன் கால்ல வேணா விழறேன்.. இனி இப்படி ஒரு தப்பை செய்யவே மாட்டேன்.. அந்த கவுன்சிலர் வேற பழி வாங்காம விடமாட்டேன்னு மிரட்டிட்டு போயிருக்கான்.. நீயும் என்னை கைவிட்டுட்டா நான் என்னடி செய்வேன்" என்று அம்சவேணி காலில் விழாத குறையாக கெஞ்ச.. ரதியின் மனதில் கொஞ்சமும் இரக்கம் பிறக்கவில்லை..
"எங்கேயாவது போய் சாவு"
"ரதிஇஇ"
"மரியாதையா இங்கிருந்து போயிடு.. இல்லைனா செக்யூரிட்டியை கூப்பிட்டு கழுத்தை பிடிச்சு வெளியே தள்ள சொல்லுவேன்.. இனி என்னை பார்க்க வராத.. அப்படி வந்தா என் புருஷன்கிட்ட சொல்லுவேன்.. இல்லைனா நானே போலீஸ் ஸ்டேஷன் போய் பெத்த தாய் என்னை விபச்சாரத்தில் ஈடுபடுத்த முயற்சி செய்யறதா கம்ப்ளைன்ட் செய்வேன்.." பற்களை கடித்துக் கொண்டு அவள் மிரட்டிய தோரணையில் அம்சவேணி வெல வெலத்துப் போனாள்..
வந்த சுவடே தெரியாமல் திரும்பி போயிருந்தாள் அம்சவேணி.. அவள் தொல்லை அன்றோடு முடிந்து போயிருந்ததுதான்.. ஆனால் சங்கிலித் தொடர் போல அதிலிருந்து புதிய இன்னல்கள் துவங்கி இருந்தன..
அம்சவேணி வந்தபோது அந்தப் பக்கமாக சென்று கொண்டிருந்த சில மாணவர்கள்..
"டேய் யாருடா.. இது? ஒருவன் யோசனையாக கேட்க..
"அதோ அந்த ரதியோட அம்மாவாம்" என்றான் இன்னொருவன்..
"அடேய் இவ அம்மா இல்லடா ஐட்டம்.. அந்த ஏரியால கொடி கட்டி பறக்கற.. ***"
"என்னடா சொல்ற..?"
"உண்மையைத்தான்டா சொல்றேன்.. என் சித்தி அந்த ஏரியால தான் இருக்குது.. இந்த பொம்பளைய பத்தி கத கதையா சொல்லும்.. ஆனா ரதி இந்த பொம்பளையோட மகளா.. ஒரு நாளும் இவங்க ரெண்டு பேரையும் சேர்த்து வச்சு நான் பார்த்ததே இல்லையே..!!" தலையை சொரிந்தான் அவன்..
"ஆமா அம்மாவே அப்படினா பொண்ணு..?"
"இதிலென்னடா சந்தேகம்.. தே..யா மக உத்தமியாவா இருப்பா.. பெத்தவளை விட மகளுக்கு வளமும் செழிப்பும் கூடி இருக்குது.. கண்டிப்பா இவளுக்கும் ஸ்பான்சர் இருக்கும்.."
"அப்ப நமக்கும் ஒரு சான்ஸ் உண்டுன்னு சொல்லு.."
"இல்லையா பின்ன.. பணத்த காட்டினா படுக்கையில் வந்து விழப் போறா..!!" மாணவர்கள் கைகொட்டி சிரித்தனர்..
இந்த விஷயம் கல்லூரியில் தீயாகப் பரவியது..
ரதியின் காதுப்படவே அவளை கேவலமாக பேசிய மாணவ மாணவிகள்.. சினேகிதிகள் கூட ரதியிடமிருந்து ஒதுங்கி நின்றனர்..
ஓய்ந்து போனாள் ரதி.. இது போதாதென்று.. அடிபட்ட பாம்பாக அந்த கவுன்சிலர் வேறு அவளுக்கு தொல்லைகள் தர ஆரம்பித்திருந்தான்..
"கல்யாணத்துக்கு முன்னாடி அந்த புள்ளைய நான் தான் வச்சிருந்தேன்.. சும்மா சொல்லக்கூடாது செம பீஸ்.. இப்ப என்னவோ மகா பத்தினி மாதிரி சீன் போடுறா.. ஏதோ காலேஜ்ல படிக்கிறாளாமே..? அங்கேயும் ஏதோ நடவடிக்கை சரியில்லைன்னு கேள்விப்பட்டேன்.." என்று ஏரியாவில் கொளுத்தி போட..
அவள் நடந்து சென்ற இடங்களிலெல்லாம் ஆண்களின் வக்கிர பேச்சும்.. தகாத பார்வைகளும் சிலந்தி வலையாக சூழ்ந்தன..
வெளிப்படையாக நேரடியாக வம்பிழுத்து விட்டால் எதிர்த்து கேட்கலாம்.. ஆனால் இது மறைமுகமான அவளை அவமானப்படுத்தும் பேச்சு..
மிகுந்த மன உளைச்சலுக்கு ஆளானாள் ரதி..
ஆயிரம் ஈட்டிகள் ஒன்றாக சேர்ந்து குத்தி கிழித்ததாய் வலி கண்டாள்..
"அடேய் அதோ போறாளே..!! அவ ஒரு ***"
"ஆள் பார்க்க மப்பும் மந்தாரமுமா.. சூப்பராத்தான் இருக்கா..!!"
"என்கிட்டயும் பணம் இருக்குடா மாப்பிள்ளை.. கவுன்சிலர் கிட்ட மட்டும் தான் போவாளாமா!!"
"இப்பவும் இலை மறை காய் மறையா தொடர்பு இருக்குன்னு பேசிக்கிறாய்ங்க.."
"ஆனா விளைஞ்ச கனியா செழிப்பா ஒரு மாதிரி மினுமினுனுதான் இருக்கா.."
"ஏய் பாருடா கண்ணகி முறைக்கிறா..!!"
என்று போகும் இடமெல்லாம் இதைவிட மோசமான.. கேட்கக்கூடாத வார்த்தைகளை காதில் வாங்கி ஜடமாக நடந்தாள்.. ஆண்கள் என்றாலே அலறினாள்..
தாயிடம் வளர்ந்த போது இதைவிட அதிகமான கொடுமையை அனுபவித்திருக்கிறாள்..
தகாத பார்வை.. சில்மிஷங்கள்.. அத்தனையும் கடந்து.. முள்பாதையில் பயணித்து மனதை பக்குவப்படுத்தி வந்தவள்தான்.. தூண்டில் போட்டு பார்த்தவர்கள்தான் அதிகமே தவிர இப்படி அபவாத பழி ஏதும் அவள் மீது விழவில்லையே..
இப்போது முழு முற்றாக விபச்சாரி என்றே பழி சுமத்தப்பட்டிருந்தாள்.. பட்டங்கட்டப் பட்டிருந்தாள்..
ஐராவின் விலகல்.. சங்கரேஸ்வரியின் தொணதொணப்பான வார்த்தைகள்.. கல்லூரியில் மாணவர்களின் கிண்டல் பேச்சுக்கள்.. ஏளன பார்வை காம பார்வை.. என அனைத்தும் சேர்ந்து அவளை ஒருவித அழுத்தத்திற்கு உள்ளாகியது..
இதில் கம்ப்யூட்டர் லேபுக்கு வரச் சொல்லி அந்த விஜய் நடந்து கொண்ட முறை..?
"என்னமோ கவுன்சிலர் கூட உனக்கு பழக்கம் இருக்காமே.. அன்னைக்கு உன் புருஷன் வந்து பெரிய இவனாட்டம் பேசிட்டு போனான்.. ஒழுங்கா என்கிட்ட அட்ஜஸ்ட் பண்ணிட்டுபோ.. இல்லேன்னா.. நீ என்னையும் கூப்பிட்டதா எல்லார்கிட்டயும் பரப்பி விடுவேன்.. ரெண்டு நாள் உனக்கு டைம்.. அதுக்குள்ள ஒரு நல்ல முடிவா எடுப்பேன்னு நம்புறேன்.. உன் புருஷன் கிட்ட சொல்லி உன்னை காப்பாத்திக்கலாம்னு நினைக்காதே.. இப்ப இருக்கிற நிலைமையில உன்னை காப்பாத்த என்னால மட்டும்தான் முடியும்.. உன் நடத்தை சரியில்லைன்னு இன்டர்னல் மார்க்ல என்னால கை வைக்க முடியும்.. பிரின்ஸ்பால் கிட்ட பசங்கள நீ கூப்பிடுறதா சொல்லி காலேஜ்ல இருந்து உன்னை டிஸ்மிஸ் பண்ண முடியும்.. யோசிச்சு முடிவெடு" என்று கோணலாக சிரிக்க.. சிதிலமடைந்து உள்ளுக்குள் மொத்தமாக மரித்து போனாள் ரதி.. அழத் திராணியின்றி கண்ணீர் வற்றிப் போனாள்..
ஆறுதல் சொல்ல வேண்டிய அன்னையே படுகுழியில் தள்ள துணிந்த பின் யாரை தேடுவது..?
"எனக்கு உன் மேல என்னைக்குமே நம்பிக்கை இருந்ததில்லை.. உன் வயசு அப்படி..!!" ஐராவின் வார்த்தைகள் காதோரம் ஒலிப்பதாய்!!
சுற்றிலும் கடல்.. அவளை இரையாக்க காத்திருக்கும் சுறா மீன்கள்.. ஒற்றை நம்பிக்கையாக அவள் பற்றி இருந்த ஐரா என்ற மரத்துண்டும் விலகி சென்றுவிட்டது.. இப்போது ரதி கடலில் மூழ்க போகிறாள்.. வேறு வழியே இல்லை..
ஒரு விபச்சாரியின் மகள் கண்ணியமாக வாழ நினைத்தது தவறு..
படிக்க நினைத்தது பெருந்தவறு..
நல்ல கௌரவமான வாழ்க்கைக்கு ஆசைப்பட்டது அதைவிட பெரும் தவறு..
அழுது வடிந்த கண்களோடு கல்லூரியின் மேல் மாடியில் நின்று கொண்டிருந்தாள் ரதி..
வாழ வழி இல்லாதவளாக..!!
வாழ்க்கையில் முடித்துக் கொள்வதற்காக..!!
தற்கொலை செய்து கொள்வதற்காக ..!!
தொடரும் ..
"யார் மேல கைய வைக்கிற பொறுக்கி நாயே.." என்று அவன் கன்னத்தில் விட்டாளே ஒரு அறை.. காலை தூக்கி அவன் கால் இடுக்கில் ஒரு உதை.. "அம்மாஆஆ.." என்ற அலறலோடு கவுன்சிலரின் கண்கள் நிலை குத்தியது.. வாங்கிய உதையில் இனி ஜென்மத்துக்கும் அவனால் பெண்கள் பக்கம் போகவே முடியாது..
பலம் உடல் சம்பந்தப்பட்டது அல்ல மனம் சம்பந்தப்பட்டது என்பதை அந்த ஒரு நொடியில் நிரூபித்திருந்தாள் ரதி..
அடிவாங்கியவன் ஆணுறுப்பை பற்றி கொண்டு கீழே விழுந்திருந்த நேரத்தில் சுதாரித்துக் கொண்டு கதவை திறந்து வெளியே வந்திருந்தாள் ரதி.. ஒரு கல் மீது அமர்ந்திருந்த அம்சவேணியின் மீது அவள் கோப பார்வை நெருப்பாய் விழுந்தது..
"என்னடி ஆச்சு.." என்று ஓடிவந்து உள்ளே பார்த்தவள் அந்த கவுன்சிலர் ரங்கமணி துடித்துக் கொண்டிருப்பதை கண்டு..
"ஐயோ.. அடிப்பாவி என்னடி பண்ணி தொலச்ச.. உன் நல்லதுக்காக தானே இதையெல்லாம் செஞ்சேன்.. உன் புருஷன் உன்னை படாத பாடு படுத்துறானே.. அவன்கிட்ட இருந்து உன்னை காப்பாத்தி நிரந்தரமா ஒரு வருமானத்துக்கு ஏற்பாடு பண்ணலாம்னு பார்த்தேன்.. அதுக்குள்ள இப்படி பண்ணி தொலைச்சிட்டியேடி பாவி.. கடவுளே இப்ப நான் என்ன பண்ணுவேன்.. கவுன்சிலர் ஆளுங்க வந்து எனக்கு கொன்னு போட்டுடுவானுங்களே..!!" அம்சா நெஞ்சில் அடித்துக் கொண்டு அழ.. அவள் கன்னத்திலும் ஒரு ஆவேசமான அறை விழுந்தது..
"அம்மாஆஆ" என்று அலறலோடு நிலைகுலைந்து போனாள் அம்சா.. மகள் கையால் அடிவாங்குவோம் என்று எதிர்பார்க்கவில்லையே அவள்..!!
"என்னடி பெத்த தாயவே.." அவள் சீறுவதற்குள்..
"அடச்சி வாய மூடு.. நீ எல்லாம் தாயின்னு சொல்லி அந்த உன்னதமான வார்த்தையை அவமானப்படுத்தாதே.. பெத்த மகளை விபச்சாரத்தில் ஈடுபடுத்தி காசு பார்க்க நினைக்கிற நீயெல்லாம் மனித ஜென்மத்திலேயே சேர்த்திக்க இல்லை.. உன்னையெல்லாம் கொன்னு போடணும்.. ஆனா உன்மேல கை வைக்கிறதையே அசிங்கமா நினைக்கிறேன்.. என் புருஷன் ஏன் உன்னை கிட்ட நெருங்க விடலைன்னு இப்ப புரியுது.. ஒழுக்கத்துல தறிகெட்டு திரியற கேவலமான தாயா இருந்தாலும் பிள்ளைங்க கிட்ட மனிதாபிமானத்துடன் நடந்துப்பேனு நினைச்சேன்.."
"இப்ப என்னடி தப்பு செஞ்சிட்டேன் ஊர் உலகத்துல நடக்காததையா..?"
"ஏய் பேசாதடி கொன்னுடுவேன்.." உறுமலில் உறைந்தாள் அம்சா..
"என்னை பெத்து வளர்த்த பாவத்துக்காக உன் மேல கொஞ்சூண்டு அக்கறை இருந்தது.. இனி நீ செத்தாலும் எனக்கு கவலை இல்லை.. நீ எங்களுக்காக வாழறேன்னு சொன்னியே அதெல்லாம் பொய்.. நீ உனக்காக மட்டும் தான் வாழற.. நல்ல வேளை என் தம்பி தங்கையை உன்கிட்ட இருந்து காப்பாத்தி வெளியூருக்கு அனுப்பிட்டேன்.. இல்லன்னா அவங்களையும் இந்த கேடுகெட்ட தொழில்ல ஈடுபடுத்தி சுயநலமா லாபம் பார்த்திருப்பே.."
"அடியே ராதிகா நான் சொல்றதை கொஞ்சம் கேளுடி.."
மீண்டும் ஒரு அறை விழுந்தது.. விதிர்த்துப் போனாள் அம்சா..
"இனி நீ என்ன வேணா செஞ்சுக்கோ ஆனா என் மூஞ்சில முழிக்காதே..!!"
"ஏய் நான் உன் அம்மாடி.."
"மழையிலும் வெயிலிலும் பாடுபட்டு குழந்தைகளை காப்பாத்தற தாய்மார்கள் மத்தியில இப்படியும் ஒரு பேய்.. நீயெல்லாம் ஒரு பொம்பள.. த்தூ.." அவள் முகத்தில் காரி உமிழ்ந்து விட்டு அங்கிருந்து வேகமாக சென்றிருந்தாள் ரதி..
மகள் கைவிட்டதிலும் உள்ளே கவுன்சிலர் குத்துயிராக கிடந்ததிலும் அடி வயிறு கலங்கி வெடவெடத்து நின்றிருந்தாள் அம்சவேணி..
தட்டு தடுமாறி எழுந்து வந்தான் அந்த கவுன்சிலர் ரங்கமணி..
"ஆத்தாளும் மவளுமா கூப்பிட்டு வச்சு என்னை அவமானப்படுத்திட்டீங்க இல்ல.. உங்க ரெண்டு பேரையும் சும்மா விடமாட்டேன்டி.. நான் யாருன்னு உங்களுக்கு காட்டறேன்.." நாக்கை கடித்து கண்கள் சிவந்து கர்ஜித்தவன் அங்கிருந்து தள்ளாடி நடந்து சென்றிருந்தான்..
அம்சவேனிக்கு நெஞ்சுவலியே வந்துவிட்டது..
எத்தனை நாள் விடாமுயற்சியின் பலன் இது..
ஐராவதனுக்கு திருமணம் செய்து கொடுத்த பிறகு தானே இந்த கவுன்சிலர் ரங்கமணி வந்து நின்றான்..
"என்ன அம்சா அவசரப்பட்டுட்டியே..? பணக்கஷ்டம்னு என்கிட்ட ஒரு வார்த்தை சொல்லியிருக்க கூடாதா.. உனக்கு நான் உதவி செய்திருக்க மாட்டேனா.. அடையாறு தோப்பு பங்களா சும்மாதான் இருக்குது.. அதை உன் பொண்ணு பேர்ல எழுதி வெச்சு அவளை பத்திரமா பாத்துக்க மாட்டேனா.." ரங்கமணி வீட்டுக்குள் வந்து கால்மேல் கால்போட்டு அமர்ந்து பேரம் பேச அம்சவேணியின் கண்கள் ஆசையில் விரிந்தன..
"இப்ப என்ன செய்ய முடியும் கவுன்சிலரே.. எல்லாம் முடிஞ்சு போச்சு.." அம்சவேணி பெருமூச்சு விட்டாள்..
"என்ன முடிஞ்சு போச்சு.. எதுவும் முடியல.. உன் மகள் மேல கொள்ளை ஆசை எனக்கு.. அந்த ஐராவதன் முந்திக்கிட்டான். நீயும் அவசரப்பட்டுட்ட.. கல்யாணம்தான் வாழ்க்கையா.. என்னால பகிரங்கமா தாலி கட்டி குடும்பம் நடத்த முடியாது.. ஆனா வசதியா வாழ வைக்க முடியும்.. உன் குடும்பத்தை சீரும் சிறப்புமா நான் பார்த்திருக்க மாட்டேனா.. உன் பிள்ளைகளை நான் படிக்க வைச்சிருக்க மாட்டேன்னா..?"
"இப்ப என்ன செய்யலாம்ங்கறீங்க தலைவரே..?"
"உன் பொண்ணு மனச கலைச்சு விடு.. அந்த ஐராவதன அவளுக்கு எதிரா திருப்பி விடு.. அவளை உன் கட்டுப்பாட்டுக்குள்ள வச்சுக்கோ.. மிச்சத்தை நான் பாத்துக்கறேன்.."
"ஐயய்யோ எனக்கு பயமா இருக்கு.. அந்த ரவுடி பைய என்னை கொன்னே போட்டுடுவான்.. கல்யாணம் பண்ணிக்கும்போதே.. ரதி பக்கம் தலை வைச்சு படுக்கக் கூடாதுன்னு கண்ண உருட்டி மிரட்டினதை என்னால மறக்கவே முடியாது.."
"நீ என்ன செய்வியோ ஏது செய்வியோ எனக்கு தெரியாது அம்சா.. ரதி எனக்கு வேணும்.. அவ அழகு என் கண்ணு முன்னாடி நிக்குது.. அவளை அடையனும்னு என் நாடி நரம்பெல்லாம் துடிக்குது.. ஏதாவது பண்ணு.. உன் மகளுக்காக என் சொத்துல பாதிய கூட தாரவாக்க தயாரா இருக்கேன்.. அருமையான எதிர்காலம் உங்களை தேடி வருது.. கெட்டியாக புடிச்சிக்கறது உன்னோட பொறுப்பு.. அம்புட்டு தான் சொல்லுவேன்.." என்று அவள் மனதை மொத்தமாக கலைத்து விட்டு எழுந்து சென்றிருந்தான்..
அம்சவேணிக்கு ஐராவின் இரண்டு லட்சம் ரூபாயை விட லட்சக்கணக்கில் சொத்து எழுதி வைக்கிறேன் என்று சொன்ன கவுன்சிலர் ரங்க மணி இப்போது பெரும்புள்ளியாக தெரிந்தான்..
மகளிடம் வெளிப்படையாக இதைப் பற்றி பேசி அவள் மனதை மாற்ற முடியாது.. ஒழுக்கம் கண்ணியம் கட்டுப்பாடு.. என்பாள்.. மயிர் நீத்தால் உயிர் வாழ கவரிமான் ஜாதி அவள்..
அவள் இரக்கத்தை சம்பாதிக்க வேண்டும்.. பரிதாப பட வைத்து காரியத்தை சாதிக்க வேண்டும் என்று திட்டம் போட்டு.. சோறு தண்ணியில்லாமல் உடம்பை வருத்தி நோயுற்றவளாக நடித்து முதலில் பக்கத்து வீட்டுப் பெண் செல்வியை ஏமாற்றி.. அவள் வாயாலேயே அம்சவேணி பாவம் என்று சொல்ல வைத்து ரதியே இந்த திட்டத்திற்குள் இழுத்திருந்தாள்..
பக்கத்து வீட்டு பெண்மணி கூட இவள் கை தேர்ந்த நடிப்பில் ஏமாந்து போகும்போது பாவம் ரதி எம்மாத்திரம்..
ஐரா ரதியை கைநீட்டி அடித்து விட்டான் என்ற செய்தி அம்சாவின் காதுகளை எட்டியவுடன்.. அவள் மூளை வேகமாக அடுத்த திட்டத்தை தீட்டியது..
ரதி மனம் கலங்கி நிற்கும் இந்த நேரத்தை தனக்கு சாதகமாக பயன்படுத்திக்கொண்டால்.. அவள் மனம் வெறுத்து போயிருக்கும் இந்த சமயத்தில் கண்டதையும் சொல்லி ஐராவிடமிருந்து அவளை பிரித்து தனக்கு வேண்டியதை நிகழ்த்திக் கொண்டால் என்ன..?
அந்த கவுன்சிலரை வரவழைத்து பலவந்தமாகவோ அல்லது ஆசை காட்டியோ அறிவுரை சொல்லியோ எப்படியாவது.. காரியத்தை நடத்தி விட்டால் பிறகு ரதி முழுக்க என் வசம்.. அந்த கவுன்சலரின் கையில் ஒப்படைத்து பெருத்த லாபம் பார்க்கலாம்.. போன்ற திட்டங்கள் அனைத்தும் இப்போது தோல்வியை தழுவியிருந்தது.. அனைத்துமே கேவலம் பணத்திற்காக..!!
நடந்த சம்பவத்தால் மனம் உடைந்து அழுது கொண்டே வீட்டுக்கு ஓடி வந்திருந்தாள் ரதி..
வாசலில் அமர்ந்து திண்ணையில் கொட்டிக்கிடந்த பெரிய வெங்காயத்தையும் சின்ன வெங்காயத்தையும் தனித்தனியே பிரித்து முறத்தில் அள்ளி போட்டுக் கொண்டிருந்த சங்கரேஸ்வரி படபடப்போடு அவளை பார்த்தாள்..
"என்னாச்சு இவளுக்கு..?" என்று அலைப்புறுதலோடு குழம்பியவள்.. "அடியே பத்மாவதி.." என்று எதிர்வீட்டு மாடிப்படியில் அமர்ந்து அரிசி புடைத்துக் கொண்டிருந்தவளை அழைத்து.. "இதை கொஞ்சம் பாத்துக்க..!!" என்று விட்டு உள்ளே சென்றாள்..
கட்டிலில் அமர்ந்து முகத்தை மூடிக்கொண்டு ரதி அழுது கொண்டிருந்தாள்.. சங்கரேஸ்வரியின் மனது படபடத்தாலும் பெரிதாக எதையும் காட்டிக்கொள்ளவில்லை.. வழக்கம்போல அவள் வாய் காட்டமான சொற்களை மட்டுமே வீசியது..
"அடியே இப்ப என்ன நடந்துச்சுன்னு.. இப்படி உட்கார்ந்து ஒப்பாரி வைக்கற.. ஏற்கனவே உன் ஆத்தாக்காரி நானும் என் புள்ளையும் உன்னை கொடுமைப்படுத்துறதா ஊர் முழுக்க புரளிய கிளப்பி விட்டுருக்கா.. இதுல நீ வேற போதா குறைக்கு தெரு முழுக்க அழுதுகிட்டே ஓடிவந்தியா.. என்னதான் நடந்துச்சு எதுக்காக இப்படி அழுது தொலைக்கற.." ஏற்கனவே அழுது கொண்டிருந்த ரதிக்கு இந்த வார்த்தைகள் எரிச்சலை கிளப்பியது ..
"ஒன்னும் இல்ல.. இங்கருந்து போங்க.." அவள் கத்திய சத்தத்தில் சங்கரேஸ்வரி விதிர்த்துப் போனாள்..
"இப்ப நான் என்ன பேசிட்டேன்னு இவ இந்த கத்து கத்துறா.. எக்கேடும் கெட்டு போகட்டும்.. எனக்கென்ன.. ஏதோ அழறாளேன்னு அக்கறையா வந்து கேட்டா ஓவரா துள்ளுறா.. பெரியவ ன்னு ஒரு மரியாதை இல்ல..? அது சரி நான் பெத்தது மரியாதை கொடுத்தா தானே இவ மதிச்சு பேசுவா.. இந்த வீட்ல எல்லாருக்கும் என்னை கண்டா இளக்காரந்தான்.." புலம்பிக்கொண்டே அங்கிருந்து சென்றிருந்தாள்..
யாரிடமாவது இதைப் பற்றி சொல்லி ஆறுதல் தேடிக்கொள்ள மனம் தவித்தது.. ஆனால் யாரிடம் இதைப் பற்றி பேச முடியும்..
ஏற்கனவே தன்மீது கோபத்திலிருக்கும் கணவனிடம் இதைப் பற்றி பேச முடியுமா.. உற்றவனும் என்னை நம்புவதில்லையே..?
"நீ ஏன் மறுபடி அந்த வீட்டிற்கு போனாய்? என்று கேட்டால் என்ன சொல்லுவது.. நாயை குளிப்பாட்டி நடு வீட்டுல வச்சாலும்.. என்று கேவலமாக பேசியவரிடம் என்ன ஆறுதல் தேடிக் கொள்ள முடியும்..
என்றாவது ஒருநாள்.. பண தேவைக்காக அந்த கவுன்சிலரை உன் தாய் வரச்சொன்னாளா.. நீ வர சொன்னாயா என்று கேட்டு விட்டால்?
ஒரு வார்த்தை வெல்லும்.. ஒரு வார்த்தை கொல்லும்..
நாக்கு தடித்து தரம் புரண்டு என்னை தரக்குறைவாக பேசுவதற்கு நானே வழிவகை செய்து கொள்ள வேண்டுமா..
தாயைப் போல் பிள்ளை நூலைப் போல் சேலை என்று எள்ளி நகையாடிய மாமியாரிடம் நடந்ததைச் சொன்னால்.. மென்மேலும் என்னை குற்றம் சாட்ட கூடுதலாக நாலு வார்த்தைகள் கிடைக்கும்.. பெரிதாக வேறென்ன நிகழ்ந்து விடப்போகிறது..
இருக்கிற பிரச்சினையும் சஞ்சலங்களும் மனக்கஷ்டமும் போதாதா.. ஐயோ கடவுளே.. அடிவயிற்றிலிருந்து துக்கம் பீறிட.. முடிந்த மட்டும் அழுது தன் பாரத்தை கண்ணீரால் தீர்த்துக் கொள்ள முயன்றாள்.. ரதி.. கண்ணீர் வற்றி துயரம் பெருகியது..
ஐரா வந்த சமயத்தில் அவள் தன்னை தேற்றிக்கொண்டு ஓரளவுக்கு இயல்பாகி இருந்தாள்..
முன்பை போல கட்டி அணைத்து ஒட்டி உறவாடும் கணவனாக இருந்திருந்தால் அவள் முகம் சிறுத்திருப்பது ஐராவதனுக்கு தெரிந்திருக்கும்.. ரதியின் மன சஞ்சலங்களை கண்களில் கண்டு காரியத்தில் இறங்கியிருப்பான்..
விரிசலும் இடைவெளியும் இருவரையும் பிரித்திருக்க அவள் மாற்றங்களை உணராது போயிருந்தது யார் பிழையோ..?
அவனுக்கு தெரியாமல் இருப்பதே நல்லது என்ற ரீதியில் யோசிக்கிறாள் ரதி..
எப்படியோ அந்த கவுன்சிலரிடமிருந்து தப்பித்து வந்தது தெய்வாதீன செயல் என்றுதான் நினைத்தாள்.. ஆனால் பிரச்சனைகள் அத்தோடு முடிவடையவில்லை..
அடுத்த சில நாட்களில் அம்ச வேணி கல்லூரியில் வந்து நின்றிருந்தாள்..
"ஏம்மா உன்னோட அம்மா வந்திருக்காம்.." பியூன் வந்து சொல்லிவிட்டு செல்ல.. அகண்ட விழிகளில் அதிர்ச்சியை தாங்கி வெளியே ஓடி வந்தாள் ரதி..
"அடியேய் ரதி.. என்னை ஒதுக்கிடாதடி எல்லாம் உன் நல்லதுக்காகதான் செஞ்சேன்.. உன் கால்ல வேணா விழறேன்.. இனி இப்படி ஒரு தப்பை செய்யவே மாட்டேன்.. அந்த கவுன்சிலர் வேற பழி வாங்காம விடமாட்டேன்னு மிரட்டிட்டு போயிருக்கான்.. நீயும் என்னை கைவிட்டுட்டா நான் என்னடி செய்வேன்" என்று அம்சவேணி காலில் விழாத குறையாக கெஞ்ச.. ரதியின் மனதில் கொஞ்சமும் இரக்கம் பிறக்கவில்லை..
"எங்கேயாவது போய் சாவு"
"ரதிஇஇ"
"மரியாதையா இங்கிருந்து போயிடு.. இல்லைனா செக்யூரிட்டியை கூப்பிட்டு கழுத்தை பிடிச்சு வெளியே தள்ள சொல்லுவேன்.. இனி என்னை பார்க்க வராத.. அப்படி வந்தா என் புருஷன்கிட்ட சொல்லுவேன்.. இல்லைனா நானே போலீஸ் ஸ்டேஷன் போய் பெத்த தாய் என்னை விபச்சாரத்தில் ஈடுபடுத்த முயற்சி செய்யறதா கம்ப்ளைன்ட் செய்வேன்.." பற்களை கடித்துக் கொண்டு அவள் மிரட்டிய தோரணையில் அம்சவேணி வெல வெலத்துப் போனாள்..
வந்த சுவடே தெரியாமல் திரும்பி போயிருந்தாள் அம்சவேணி.. அவள் தொல்லை அன்றோடு முடிந்து போயிருந்ததுதான்.. ஆனால் சங்கிலித் தொடர் போல அதிலிருந்து புதிய இன்னல்கள் துவங்கி இருந்தன..
அம்சவேணி வந்தபோது அந்தப் பக்கமாக சென்று கொண்டிருந்த சில மாணவர்கள்..
"டேய் யாருடா.. இது? ஒருவன் யோசனையாக கேட்க..
"அதோ அந்த ரதியோட அம்மாவாம்" என்றான் இன்னொருவன்..
"அடேய் இவ அம்மா இல்லடா ஐட்டம்.. அந்த ஏரியால கொடி கட்டி பறக்கற.. ***"
"என்னடா சொல்ற..?"
"உண்மையைத்தான்டா சொல்றேன்.. என் சித்தி அந்த ஏரியால தான் இருக்குது.. இந்த பொம்பளைய பத்தி கத கதையா சொல்லும்.. ஆனா ரதி இந்த பொம்பளையோட மகளா.. ஒரு நாளும் இவங்க ரெண்டு பேரையும் சேர்த்து வச்சு நான் பார்த்ததே இல்லையே..!!" தலையை சொரிந்தான் அவன்..
"ஆமா அம்மாவே அப்படினா பொண்ணு..?"
"இதிலென்னடா சந்தேகம்.. தே..யா மக உத்தமியாவா இருப்பா.. பெத்தவளை விட மகளுக்கு வளமும் செழிப்பும் கூடி இருக்குது.. கண்டிப்பா இவளுக்கும் ஸ்பான்சர் இருக்கும்.."
"அப்ப நமக்கும் ஒரு சான்ஸ் உண்டுன்னு சொல்லு.."
"இல்லையா பின்ன.. பணத்த காட்டினா படுக்கையில் வந்து விழப் போறா..!!" மாணவர்கள் கைகொட்டி சிரித்தனர்..
இந்த விஷயம் கல்லூரியில் தீயாகப் பரவியது..
ரதியின் காதுப்படவே அவளை கேவலமாக பேசிய மாணவ மாணவிகள்.. சினேகிதிகள் கூட ரதியிடமிருந்து ஒதுங்கி நின்றனர்..
ஓய்ந்து போனாள் ரதி.. இது போதாதென்று.. அடிபட்ட பாம்பாக அந்த கவுன்சிலர் வேறு அவளுக்கு தொல்லைகள் தர ஆரம்பித்திருந்தான்..
"கல்யாணத்துக்கு முன்னாடி அந்த புள்ளைய நான் தான் வச்சிருந்தேன்.. சும்மா சொல்லக்கூடாது செம பீஸ்.. இப்ப என்னவோ மகா பத்தினி மாதிரி சீன் போடுறா.. ஏதோ காலேஜ்ல படிக்கிறாளாமே..? அங்கேயும் ஏதோ நடவடிக்கை சரியில்லைன்னு கேள்விப்பட்டேன்.." என்று ஏரியாவில் கொளுத்தி போட..
அவள் நடந்து சென்ற இடங்களிலெல்லாம் ஆண்களின் வக்கிர பேச்சும்.. தகாத பார்வைகளும் சிலந்தி வலையாக சூழ்ந்தன..
வெளிப்படையாக நேரடியாக வம்பிழுத்து விட்டால் எதிர்த்து கேட்கலாம்.. ஆனால் இது மறைமுகமான அவளை அவமானப்படுத்தும் பேச்சு..
மிகுந்த மன உளைச்சலுக்கு ஆளானாள் ரதி..
ஆயிரம் ஈட்டிகள் ஒன்றாக சேர்ந்து குத்தி கிழித்ததாய் வலி கண்டாள்..
"அடேய் அதோ போறாளே..!! அவ ஒரு ***"
"ஆள் பார்க்க மப்பும் மந்தாரமுமா.. சூப்பராத்தான் இருக்கா..!!"
"என்கிட்டயும் பணம் இருக்குடா மாப்பிள்ளை.. கவுன்சிலர் கிட்ட மட்டும் தான் போவாளாமா!!"
"இப்பவும் இலை மறை காய் மறையா தொடர்பு இருக்குன்னு பேசிக்கிறாய்ங்க.."
"ஆனா விளைஞ்ச கனியா செழிப்பா ஒரு மாதிரி மினுமினுனுதான் இருக்கா.."
"ஏய் பாருடா கண்ணகி முறைக்கிறா..!!"
என்று போகும் இடமெல்லாம் இதைவிட மோசமான.. கேட்கக்கூடாத வார்த்தைகளை காதில் வாங்கி ஜடமாக நடந்தாள்.. ஆண்கள் என்றாலே அலறினாள்..
தாயிடம் வளர்ந்த போது இதைவிட அதிகமான கொடுமையை அனுபவித்திருக்கிறாள்..
தகாத பார்வை.. சில்மிஷங்கள்.. அத்தனையும் கடந்து.. முள்பாதையில் பயணித்து மனதை பக்குவப்படுத்தி வந்தவள்தான்.. தூண்டில் போட்டு பார்த்தவர்கள்தான் அதிகமே தவிர இப்படி அபவாத பழி ஏதும் அவள் மீது விழவில்லையே..
இப்போது முழு முற்றாக விபச்சாரி என்றே பழி சுமத்தப்பட்டிருந்தாள்.. பட்டங்கட்டப் பட்டிருந்தாள்..
ஐராவின் விலகல்.. சங்கரேஸ்வரியின் தொணதொணப்பான வார்த்தைகள்.. கல்லூரியில் மாணவர்களின் கிண்டல் பேச்சுக்கள்.. ஏளன பார்வை காம பார்வை.. என அனைத்தும் சேர்ந்து அவளை ஒருவித அழுத்தத்திற்கு உள்ளாகியது..
இதில் கம்ப்யூட்டர் லேபுக்கு வரச் சொல்லி அந்த விஜய் நடந்து கொண்ட முறை..?
"என்னமோ கவுன்சிலர் கூட உனக்கு பழக்கம் இருக்காமே.. அன்னைக்கு உன் புருஷன் வந்து பெரிய இவனாட்டம் பேசிட்டு போனான்.. ஒழுங்கா என்கிட்ட அட்ஜஸ்ட் பண்ணிட்டுபோ.. இல்லேன்னா.. நீ என்னையும் கூப்பிட்டதா எல்லார்கிட்டயும் பரப்பி விடுவேன்.. ரெண்டு நாள் உனக்கு டைம்.. அதுக்குள்ள ஒரு நல்ல முடிவா எடுப்பேன்னு நம்புறேன்.. உன் புருஷன் கிட்ட சொல்லி உன்னை காப்பாத்திக்கலாம்னு நினைக்காதே.. இப்ப இருக்கிற நிலைமையில உன்னை காப்பாத்த என்னால மட்டும்தான் முடியும்.. உன் நடத்தை சரியில்லைன்னு இன்டர்னல் மார்க்ல என்னால கை வைக்க முடியும்.. பிரின்ஸ்பால் கிட்ட பசங்கள நீ கூப்பிடுறதா சொல்லி காலேஜ்ல இருந்து உன்னை டிஸ்மிஸ் பண்ண முடியும்.. யோசிச்சு முடிவெடு" என்று கோணலாக சிரிக்க.. சிதிலமடைந்து உள்ளுக்குள் மொத்தமாக மரித்து போனாள் ரதி.. அழத் திராணியின்றி கண்ணீர் வற்றிப் போனாள்..
ஆறுதல் சொல்ல வேண்டிய அன்னையே படுகுழியில் தள்ள துணிந்த பின் யாரை தேடுவது..?
"எனக்கு உன் மேல என்னைக்குமே நம்பிக்கை இருந்ததில்லை.. உன் வயசு அப்படி..!!" ஐராவின் வார்த்தைகள் காதோரம் ஒலிப்பதாய்!!
சுற்றிலும் கடல்.. அவளை இரையாக்க காத்திருக்கும் சுறா மீன்கள்.. ஒற்றை நம்பிக்கையாக அவள் பற்றி இருந்த ஐரா என்ற மரத்துண்டும் விலகி சென்றுவிட்டது.. இப்போது ரதி கடலில் மூழ்க போகிறாள்.. வேறு வழியே இல்லை..
ஒரு விபச்சாரியின் மகள் கண்ணியமாக வாழ நினைத்தது தவறு..
படிக்க நினைத்தது பெருந்தவறு..
நல்ல கௌரவமான வாழ்க்கைக்கு ஆசைப்பட்டது அதைவிட பெரும் தவறு..
அழுது வடிந்த கண்களோடு கல்லூரியின் மேல் மாடியில் நின்று கொண்டிருந்தாள் ரதி..
வாழ வழி இல்லாதவளாக..!!
வாழ்க்கையில் முடித்துக் கொள்வதற்காக..!!
தற்கொலை செய்து கொள்வதற்காக ..!!
தொடரும் ..
Last edited:
